आजी - नातू

अशाच एका दुपारी

एक मुंगी बिचारी

धावतपळत कामात मग्न

घेऊन निघाली आपले अन्न

तिला माहित नव्हते तिचे रोजचे काम

ठरेल कोणासाठी चर्चेचा विषय आम

एक आजी आणि तिचा नातू

बसले होते सहज चहाच्या वेळी

आजी: अरे बघ बघ ती मुंगी कसे तांदूळ घेऊन निघाली आहे. किती जड आहे तो तांदुळाचा दाणा

नातू: अग थांब थांब.. मला टाचणी दे!

आजी: क्काय? अरे बघ तरी किती कष्ट करतेय! बिचारी!

मुंगी : कोण? मी? oh yes !!

नातू: बघू बघू

आजी: तीला माहितीये ना! इथे चिंटू खाऊ देतो.... शेव , बिस्कीट, डाळिंब, बोर्नव्हिटा, चिप्स.. येते मग खायला

मुंगी: हो S S आजी तुमचं बरं लक्ष असतं हं

आजी: तिच्याकडे स्टोरेज असतं बरं .. किचन मध्ये डबे असतात न आपले तसंच ती पण साठवते सामान

नातू: हो का? delivery असते का amazon सारखी?

आजी: कार्ट्या अरे कसलं amazon , कसली delivery , तीच करते बरं सगळं .. शोधा - उचला - साठवून ठेवा

मुंगी: मुंगी जन्मा ही तुझी कहाणी! आजी emotional झाली रे...

आजी: कसा उचलतात रे या मुंग्या दसपट भार ?

नातू : अग swiggy वाला माणूस पण उचलतो आजी!

आजी: गप रे swiggy वाल्या....

मुंगी: आजी अहो बरोबर बोलतोय.. माझं काम च आहे delivery चं .. बाकीचे दुसरी कामं करतात.. ते कामं आपण नसतो करत!!!

नातू : आजी टेन्शन नको घेऊ. आज नाही सांडणार मी काही!

आजी : शहाणं माझं बाळ ते!

मुंगी : लैच शहाणी आजी गं !!